肉肉大米

Open Now

Now Closed

每次去到沙田肉肉大米都好多人排隊，今次早少少都要等，等待期間在門口位自助機購票，好在等左15分鐘有位即入。第一次食唔係好知規矩，入座後即刻將飯票俾店員就會好快上一塊漢堡及西蘭花，有湯又有白飯，仲有一隻醬油生蛋，隻蛋係日本蛋。3件漢堡排套餐（牛油果＋原味+芝士)3件漢堡套餐（1件芝士+2件原味） 漢堡扒係由日本九州黑毛和牛和美國穀飼牛肉混合而成，望落去細細件，但我食到第三件已經feel到飽肚了，肉味濃濃牛肉香，啖啖肉真係好正。漢堡扒本身已經煮到五成熟，放在煎盤上，生熟度可以靠自己再控制，但個爐灶唔係由你控制調溫。爐灶前有唔同醬料，我喜歡沙茶醬，夠惹味 除了原味，我們叫了牛油果、芝士，牛油果有兩片，仲有他他醬，濃郁芳香。而芝士是有兩重，有車打芝士及mozzarella芝士碎，芝士及和牛絕配。套餐入面的西蘭花、白飯、蕃茄蜆湯是免費續加，所以唔洗怕羞。但唔想浪費，我哋通常都會叫加半碗就夠了。