去到本身都唔算太多人可能時間尚早
但轉眼間已經差唔多滿座
好多本身都係為咗個主題而嚟
順便喺度抽卡買周邊食野
呢啲我就冇乜興趣都係講返食
叫咗個龍蝦燉飯同卡邦尼意粉
仲有個夏威夷pizza
睇錯menu系列😂
龍蝦燉飯寫到明二人份
仲驚唔夠食叫多個意粉
首先講講個意粉
好Creamy而且食落好有煙肉香
又唔會太乾身夾雜好多煙肉塊
食落都幾滿足
點知個燉飯嚟到嚇到傻眼貓咪
雖然佢望落好似唔係好大份
但唔知點解好似多啦A夢百寶袋咁食極都有
因為本身都食緊pizza同意粉
最後先嚟個飯所以就算好食都搞唔掂🙄
個飯好有咬口龍蝦汁香濃
每粒飯都被醬汁均勻地包裹住
而且成隻龍蝦上造型滿分
龍蝦仲要已經起肉拆殼啖啖肉
最後個夏威夷pizza滿滿芝士喺面
仲有意大利人見到會鬧嘅香甜菠蘿
粟米粒 肉粒同沙律醬
配上薄批底香、甜、脆👍🏻
—————————————————————
》 夏威夷薄餅 $148
》 溫泉蛋卡邦尼意粉 $108
》 波士頓龍蝦燉飯 $208
