峰景餐廳 (Closed)

我和為食3人組嘅男女友人復活節去完廣島食蠔之後，今晚我哋book咗峰景餐廳$298無限任食120分鐘法國新鮮生蠔(Arcachin 同Brittany)+生蠔杯2款(日式清酒醬油生蠔杯、青瓜檸檬生蠔杯)以及數款蠔食料理(中式蔥花蒸蠔、台式蚵仔煎、焗蠔及吉列炸蠔)。位處20樓，如果坐窗邊位可遠眺尖沙嘴夜景，可惜我哋唔係，但剛好坐正food counter附近，出入攞野食幾方便。2款生蠔都唔算大隻同特別厚肉，但食落就知一定新鮮，因為好有蠔ge鮮甜！但那款青瓜檸檬生蠔杯我就真係麻麻，可能青瓜的草青加蠔ge腥味太撞，反而另一款日式清酒醬油蠔杯順口好多！熟食方面，我就較為欣賞吉列炸蠔同埋台式蚵仔煎，特別係蚵仔煎，我一向都不是十分喜歡，但它這個粉漿不厚亦幾chewy，蠔仔不少，又夠蛋香！我就是靠這兩熟食料理填飽肚的！（友人ss則各隊3丶40隻生蠔💪🏻)呢度仲可以另加$任飲啤酒同玫瑰汽酒，不過因為要睇世界杯，所以留返下次啦！