麵皮好軟，煙煙韌韌，熱辣辣，醬汁可以添加，配料想加的話要自費。
排得好整齊嘅片皮鴨，有全皮，有皮帶肉，份量好足，真係片到乾乾淨淨，建議6個人叫1隻就剛剛好。
花枝炒珊瑚蚌西蘭花，珊瑚蚌好彈牙，去酒樓就係要食呢d 鑊氣餸！
另一個鑊氣之選醬油鑊仔龍躉球，一炒起已經好香，醬油甜甜地好惹味，龍躉球好嫩滑。
菠蘿咕嚕肉，肉質爽嫩，酸酸甜甜，開胃。
柚子明蝦球，炸到好脆嘅大蝦掛上甜甜的柚子蜜，爽口彈牙。
二食叫左鴨崧生菜包，花邊西生菜包入炒鴨肉，醬油味濃。
酒樓環境夠靜，服務唔錯，價錢合理，行開呢區想食中餐係唔錯選擇。
