我哋入去冇幾耐就見到一班日本人, 我哋都喺度諗應該啲嘢好正中先至會見到日本人啦
我哋食咗一個串燒, 食咗一個牛肉火鍋, 叫咗兩隻蠔, 叫咗一個天婦羅蝦
佢今日有優惠有半價可以叫帶野飲, 同埋送一個炸雞
首先講下個串燒啦, 其實最好味嘅係個雞翼, 因為我好鍾意食雞翼, 另外個小番薯都好好味
佢燒得啱啱好燶燶哋, 有調味但係又唔係太鹹
最衰唔飲啤酒, 如果飲啤酒就仲好味啦男朋友叫咗兩隻號佢話隻蠔好肥, 本來仲想叫多兩隻㗎, 不過真係食唔落啦
個牛肉火鍋呢佢就會加半份烏冬, 其實如果兩個人食就差唔多, 唔需要再叫其他嘢個牛肉火鍋我覺得有少少 UN, 可以好啲嘅就係唔夠湯汁
內容好豐富但係湯汁太少, 煲起上嚟嘅時候會燶邊, 一般啦
個天婦羅炸得好乾身啲, 都好新鮮, 食得出好爽脆香甜 呢個都唔錯
驚喜嘅反而係送嘅炸雞, 佢話係韓式炸雞, 但係喺日本店度食韓式炸雞好似有啲得意, 不過點都好啦呢個韓式炸雞竟然係我今晚食咩餸裏面最鍾意嘅一個
應該冇乜機會會再嚟你哋舖頭食㗎, 希望你哋會開分店入大埔, 咁我就可以再試過啦
1
