Video
Read full review
2022-05-22
855 views
今晚約左舊同事出黎聚舊吹水，咁岩有一位近排因健康原因轉攻素食，環境休閒而又要有質素嘅選擇唔多，好快就揀好左黎荃灣嘅依間"無肉食"早前同屋企人都食過旺角嘅無肉食，印象中係熱盤冇吸引，主攻炸野又怕熱氣，感覺普通所以食過一次都冇再去食。今次黎到荃灣依間，首先有梅汁任斟任飲，感覺食多D炸野都冇咁熱氣，又開胃，唔錯~! 全餐我都飲左三四杯冷盤有我最愛嘅皮蛋，全晚食左應該都有兩隻皮蛋"肉鬆"豆腐夠汁夠味，豆腐雖然唔係好滑嗰種但豆味都算有D全晚嘅熱盤好多都落同一兩種素肉/豆製品，感覺真係過於單調，拎拎下我都係轉攻炸野為主圖中有黑松露炒蛋，質素幾好，蛋夠滑又有黑松露味，可惜全晚只係出過一盤就冇再見蹤影，如果唔係肯定encore再encore圖上方係口水素雞，同麻辣皮蛋嘅味道類近，但相對黎講就梗係皮蛋好食好多當晚尚有出色炸物，例如酥炸珊瑚菇、茶樹菇、芋茸春卷、三絲腐皮卷都值得返啅，友人有一轉拎左半碟酥炸茶樹菇返黎最後甜品方面，晚市限定嘅芝士撻同拔絲紫薯都算好食，只係拔絲紫薯真係有D膩所以試過就算，芝士撻芝士味適中，如果撻皮可以再香脆鬆化D就會更好，不過考慮到可能要更加鬆化就要用到豬油，所以都算合格，少少
早前同屋企人都食過旺角嘅無肉食，印象中係熱盤冇吸引，主攻炸野又怕熱氣，感覺普通所以食過一次都冇再去食。
今次黎到荃灣依間，首先有梅汁任斟任飲，感覺食多D炸野都冇咁熱氣，又開胃，唔錯~! 全餐我都飲左三四杯
冷盤有我最愛嘅皮蛋，全晚食左應該都有兩隻皮蛋
"肉鬆"豆腐夠汁夠味，豆腐雖然唔係好滑嗰種但豆味都算有D
全晚嘅熱盤好多都落同一兩種素肉/豆製品，感覺真係過於單調，拎拎下我都係轉攻炸野為主
圖中有黑松露炒蛋，質素幾好，蛋夠滑又有黑松露味，可惜全晚只係出過一盤就冇再見蹤影，如果唔係肯定encore再encore
圖上方係口水素雞，同麻辣皮蛋嘅味道類近，但相對黎講就梗係皮蛋好食好多
當晚尚有出色炸物，例如酥炸珊瑚菇、茶樹菇、芋茸春卷、三絲腐皮卷都值得返啅，友人有一轉拎左半碟酥炸茶樹菇返黎
最後甜品方面，晚市限定嘅芝士撻同拔絲紫薯都算好食，只係拔絲紫薯真係有D膩所以試過就算，芝士撻芝士味適中，如果撻皮可以再香脆鬆化D就會更好，不過考慮到可能要更加鬆化就要用到豬油，所以都算合格，少少地食左3個芝士撻就放過佢地啦
Post
