韓式燒肉餐廳「雪下覓炙」🔥
食之前仲去咗觀景台度影吓日落相，
我自己好着重餐廳環境好而且要坐得舒服，
今次就同男朋友嚟拍吓拖🩷
👅 蔥燒厚切牛舌
切得夠厚身，燒得外脆內軟，
蔥花同醬汁嘅配搭真係絕配👍🏻
🥩日本產和牛肩肉盛
和牛油脂分布好靚，
輕輕燒一燒就已經入口即化，牛味濃郁，
仲有專人幫你燒，
佢哋燒嘅技巧同自己燒真係唔一樣👍🏻
🥪 燒鵝肝多士
鵝肝肥厚而且煎得香脆，
口感豐腴但唔會膩，
配埋脆多士食好滿足！
🦐 醬油蝦
大大隻蝦肉爽口彈牙，
醬油醃得夠入味但又唔會太鹹，
鍾意食韓式醬油類食物嘅一定要點！
😋 韓式泡菜煎餅
一上枱已經聞到勁香🤤
煎餅比較厚身好足料，
泡菜味道突出，
呢度嘅泡菜我覺得酸甜度調校得剛剛好，
淨係泡菜我自己都食咗好多🤣
🐂 嚴選牛骨髓石頭鍋飯
熱辣辣上枱，
職員會幫手撈勻牛骨髓👏🏻
唔會好似平時啲石頭鍋飯咁加辣醬，
成個飯都好香牛味，飯焦香脆！
