四季常餐 (Closed)

今朝打比阿菇，佢話今晚豪少少去中環四季食飯啦。我心諗，剛剛出糧唔使去四季呀？阿菇就話：係中環四季⋯常餐食晚飯。午餐去四季常餐都要等位，以中環區來說，佢午餐價錢都是$50-70，可以叫超值。佢最出名叉燒滑蛋飯，午餐時間太短了，晚飯先去試下啦。好在去到唔使等位，但之後就開始多人了，遲少少都要等呀。我叫叉燒滑蛋飯（$56），網上話佢溝蛋炒的，炒蛋亦真的好滑同有蛋香，加上惹味叉燒加葱花，成碟蛋遮哂碟白飯，真係唔食得都睇得下，加上味道真係唔錯，成塊面咁大咖哩吉列豬扒飯（$59）唔係我叫，不過阿菇比我試味，咖哩唔錯，夠香夠辣，吉列豬扒用上有骨豬扒，豬扒有返一定厚度，唔會因為橫切面大咗令豬扒變薄，大大塊，但肉質又唔會柴皮咁佢話好在早少少，到八點就分分鐘售罄。結賬$118。跟餐凍飲加三蚊，熱飲唔使加錢，冇加一。