HeSheEat (銅鑼灣地帶)

Open Now

Now Closed

行完街諗住食下午茶，行到呢個小商場睇到有間cafe冇咩人，所以同埋個女入去坐低叫左一個下午茶餐，之後唔夠一分鐘個姐姐過返黎話小朋友都要點單(Feel到應該唔係個姐姐既主意因為佢過返黎個陣勁唔好意思，應該係經理既主意)如果你係繁忙時間我理解的，我個女唔飲我自己都可以叫兩杯自己飲，關鍵呢個時段你客一半都冇，重要俾張最細既枱我坐，我相信就算係我一個人入黎你都係會俾張差唔多既枱我，都係坐同一張枱何必執著同個6歲小朋友收低消呢？加上又真係冇野岩我個小朋友飲，真係祝你生意興隆啊，最後行多兩步去左希慎，一個人叫左個意粉下午茶餐另外再加多份waffle(人哋餐廳就冇逼我小朋友要order純粹自己食完意粉之後想食甜嘢所以後來點多份)，消費係你嗰邊嘅一倍，但消費得非常開心。