芽莊越式料理 (Closed)

7月14日星期六晚約7點鐘，一行12人，幸好有訂枱。入門口有侍應但冇人招呼，待我們報上名後有侍應手指指示意我們的坐位在哪裏。有兩位貌似外傭的侍應等落單，一個只識英文，一個識廣東話，但都好COOL嘅，問佢野又唔係好想答咁，有時就指指個餐牌叫你自己睇啦。落完單先有水俾我地，唔知係唔係驚我地見到佢地個專容即刻走，驚連水都蝕埋。食物的味道就道道都差唔多，冇乜驚喜，叫個飯就等好耐，啲餸到咗都唔敢食住，攪到食到窒吓窒吓咁。食到咁上下，個只係識講英文的侍應就過黎執野，開始趕客咁。雖然未夠食但都唔想再落單。有個餸遲遲都未黎，叫個侍應CHECK 單睇吓有冇落單啦，佢跟手拎住張單俾我地睇話已覆過一次單俾我地聽，個餸冇落過單，乜佢有覆過張單咩，原來漏單係我地的責任黎架。叫埋單，擺低個蘿同張單就行開咗，咁我地又放張信咭喺個蘿度，佢返黎見到張咭拋低個蘿同一句唔收咭架。食唔飽但就成肚氣，話過以後都唔會再黎。唔知嗰個侍應係唔係父仇未報定係老闆冇出糧俾佢。夠薑嘅不防去試吓。