韓日燒 (Closed)

星期日同朋友行行下街，見有ｄ肚餓又想食一餐勁既，所以揀左呢間神，價錢相宜之外，仲貪佢日韓兩食。佢ｄ點菜紙都算多樣化，揀咩食都諗左一大輪。而飲品方面都算好選擇，最後我地揀左烏龍茶同埋蘆薈汁。食放題一開始梗係叫刺身先喇！三文魚、甜蝦呢d必食架喇。三文魚都算切得幾厚身，甜蝦味道就正正常常啦。佢個刺身最特別就係有虎蝦選擇，大大舊一啖過食落好爽。然後就黎左個炒蜆，個炒蜆俾我地好大驚喜，因為洗得好乾淨，食落亦好夠味。而其他炸物就相繼黎到，我個人比較鍾意雞軟骨串同埋炸芝士年糕，因為前者夠多增味粉，後者就芝士好濃郁。但係韓國芝士雞肉串就味道好一般，不太推薦。既然黎到間標榜日韓兩食既餐廳，韓國野都唔可以錯過！我地第２ｒｏｕｎｄ就叫左個ｄ韓式炸物試下。韓式炸物方面，我地叫左啤酒炸雞，炸雞炸得岩岩好，好脆好多汁最後一輪我地決定叫多盤刺身食，最後一輪都俾足單同放足冰係底，唔錯唔錯！我地叫左心太軟食，個味道雖然冇甜品鋪咁好食，但係以放題水準黎講已經好好，因為其他同價錢放題都冇呢ｄ甜品選擇。