土屋 (Moved) New Location

今日悶悶地, 無端端俾老婆閙左一鑊, 一條友on dog dog 落左旺角, 忽然間想食個甜品, 走左入哩間甜品店, 本來諗住食我至愛紅豆沙, 但係兩個肥老闆娘極力推薦佢地招牌奶涷,咁就半推半就食左杯朱古力奶涷啦. 嘩!!!!!! 真係好ok, 超滑, 水準之作. 本來想叫多一 杯, 就問下個肥老闆娘仲有咩味好食, 佢話佢地咩味都好好食, 咁我就豁出去啦, 一次過叫多四杯, 朱古力同原味係我至愛, 木糠同mocha 都ok 啦. 推介推介..........