壽司豐 (Closed)

廚師發板套餐包括🌟菠菜海蝦+芝麻沙律醬🌟松葉蒸蛋～清新嘅前菜絕對可以令到整體更加有胃口😄，欣賞師傅嘅刀工，連菠菜都可以切得非常整齊，配麻醬夠晒有日式風味。蒸蛋蒸啱啱好，一啲泡都無，溫嘟嘟嘅口感，好似食緊豆腐花咁。🌟1款刺身間八魚～刺身魚搭上海膽粉，仲有紫蘇花，整體感覺更升level🌟壽司有五件膠質豐富的白魷魚、鮮味爽口的真鯛、高蛋白低脂肪充滿膠原的左口魚、juicy 的醬漬吞拿 、滑溜鮮甜的北海道海膽 🌟一款熟食豚角煮～日本豬五花煮得入味，醬汁甜甜地，配上蜜糖豆粟米荀冬菇👍今日甜品仲有🌟黑糖蛋糕，細細件，cream非常軟滑，唔係好夠食添😄