Lagom Kaffe (Closed)

前幾日去完牛頭角分站食早餐，呢晚約咗朋友喺觀塘食飯，佢哋又話食lagom，我見早晚餐應該食唔同嘢就冇咩所謂，點知去到先知原來menu完全都唔同，令我更加驚喜！好鍾意呢度嘅空間感，令人坐得好舒服，我哋三個人，叫咗兩個小食，分別係炸海鮮同雞翼😌其實小食來講份量啱啱好，炸海鮮好足料，我食到嗰隻係有蝦，啖啖肉😋😋至於主食就叫咗兩個risotto，一個帶子雜菌、一個八爪魚柚子，本身覺得後者吸引啲，但係食落去其實都係鍾意雜茵，可能食慣嗰種味道😆本身以為唔夠食，叫多咗個蘆筍魚，呢個份量真係少，但係每人試啲都OK，我哋三個人都分別嗌左dirty、smoothie同茶，總體來講其實都幾滿意，價錢雖然偏貴，但我覺得如果你鍾意呢啲感覺，又無人限制你食幾耐，其實都不妨一試❤️❤️