聖誕佳節當然同最喜歡架人一起度過啦～
朋友話食過呢間，仲話唔止一次咁即係有保證啦！🥳🥳🥳
我二話不說就訂位啦！
上網睇到又咁好評，不過之前俾啲食評坤過幾次都開始有少少保留⋯
當晚一去到侍應隨即安排我地入座，坐低唔夠5分鐘有職員話：「唔好意思呀，同事唔知你地訂左4人位，呢張枱比較細，介唔介意上樓上張枱大啲，c服啲⋯」
我當然話唔介意啦，還樹未人齊又未點野食，我又一向喜歡上層！
上到去，我地心諗原來都幾大架喎，同埋佢係轉左張6-8人枱俾我地～
真係很窩心的安排！
最好係咩？佢地播架都係我聽開架英語pop songs, 仲有兩個大熒幕
好，態度同環境本人表示極度受落！
講講佢地架食物～
當晚點左一個二人套餐再另點主菜單
套餐有湯，小吃同主菜！
個湯！！
So impressive!!!!!! (好味啊～～～～）
我地個個食到擰下擰下個頭！
你明唔明品嘗到美食果個正常反應絕對係擰頭而唔係點頭！
真係好好味！佢係海鮮忌廉湯！
飲過佢係最有水準的！
味道剛好，足料（繼續擰頭⋯⋯）
水牛城雞翼一樣好味！
蟹糕多士！蟹糕好濃味好特別，多士好脆口！
五成熟安格斯肉眼扒
佢個牛扒除左真係五成熟，恰到好處之外，真的很juicy，脂肪比例均勻，無得彈啦！
另外亦點了個意粉同Pizza！
意粉夠Creamy好奶香
Pizza芝士可以拉絲跳繩，你明嘛？
我地各自亦都點左4杯飲品（正）
一杯垃圾桶
另一杯唔記得咩
一罐特別架啤酒
兩杯Chardonnay 嘩，一杯$58，兩杯$60呀大佬？
野食我俾滿分💯不突止！
侍應見我地係咁自拍仲會主動話幫我地影相，此舉亦係加分位啦！
我想佢當時都已經係full house，仲咁體貼你話點可以唔表揚一下呢？
雖然我地selfie 時明明可好hyper
佢一話嚟影，我地硬晒肽唔識笑，睇返都幾好笑
我地其實都好飽，侍應此時送上一碟好精美寫上Merry Christmas 架蛋糕！
係Tiramisu （送架一樣係好有質素）
果然，甜品係另一個胃的，哈哈哈哈
成餐飯擰住個頭食足全程！即係好到擰甩個頭！
我絕對會翻啅亦都好推介俾大家！
