其麻辣程度非同小可,
今次就同愛刺激的朋友一齊去<漁牧>見識吓,
挑戰我地味覺的極限^^
呢度嘅裝潢很有中國風, 地方都算大,
座位充足而且坐得舒服~
先來麻辣海帶絲做前菜, 海帶非常爽口,
而且份量很足, 是個不錯的冷盤~
再來壇子花雕雞, 花雕酒酒味濃郁,
雞肉肉質鮮嫩香滑, 是余媽媽最愛!
鮮泡椒酸菜味燒蘆魚, 內有篙筍, 豆卜,
鮮腐竹和蟹柳等做配料, 非常足料。。。
魚肉質嫩滑, 不過真心辣! 大家食得辣至好叫呀!
而配料因為吸收晒啲汁, 所以非常入味!
喜歡食乳豬嘅朋友, 可以試吓呢款漁牧混豬
(呢度係1/4份, 2人食好足夠)~
我覺得佢有好有葡式乳豬嘅風味,
仲有三款醬料提供
(包括: 綠茶醬,魚牧混豬醬和傳統乳豬醬)~
飲品方面, 我點左青檸柚子凍,
朋友就點左黑糖竹蔗凍~
兩款飲品各有特色, 前者加左了青檸, 清新開胃~
而後者有竹蔗, 甜甜地而且很清熱!
川菜都幾有特色, 今云辣得好過癮,
下次再嚟挑戰味覺極限吧！
