地元酒場

Open Now

Now Closed

估唔到今時今日喺銅鑼灣呢一個都市旺區， 竟然隱藏著一個咁有趣嘅大廈， 未上到去地元酒場， 淨係搭嗰部五六十年代，拉門趟閘式升降機已經令人覺得時空交錯。 入到酒場裏面， 日本風嘅設計，地方細小， 但又有露台， 又有包廂， 真係有一種身處日本嘅感覺，不過露台外面對住繁華嘅時代廣場， 正正又將我拉返嚟香港， 感覺真係好夢幻。 酒場我見係由兩位女士主理， 食物以下酒菜為主， 飲品當然係以清酒掛帥。 喺呢度你可以試倒好多唔同嘅清酒牌子， 食物方面，選擇唔會太多， 但味道都算中規中矩， 十分推介薑蓉豆腐， 簡簡單單， 但味道出眾。 價錢方面， 三人消費， 三小時下來， 又飲又食， 埋單大約二千蚊。 不便宜， 但亦唔算貴。 咁有特色嘅酒場， 還是值得一去