金翠餐廳 (福華街) (Closed)

放假一心諗住出嚟土瓜灣試下南乳雞球米線， 點知佢今日休息心灰意冷 之後轉入北帝街，成條街都係美食， 揀咗一輪畀呢間攞獎食店嘅招牌吸引我， 就係叫做金翠餐廳(叉燒皇),$35一個叉燒瀨粉加凍飲， 完全冇期望可言。點知碟叉燒呢到 ，見到佢肥瘦均勻， 色澤都好靚， 即刻流曬口水…… 一夾嚿叉燒就食啦， 食完果然不得了，绝對可以同一啲高級嘅中式食府有得拼， 叉燒淋淋地， 叉燒醬同蜜糖都好夠， 仲要加埋啲豉油汁， 我一口氣食咗半碟，先食啲瀨粉， 因為真係太好味啦