*頭盤*
冰菜口感豐富，爽脆多汁，好特別。
黑芝麻豆腐用咗黑芝麻去整，比平時嘅豆腐更加嫩滑，入口陣陣芝麻香。
磯煮鮑魚爽口彈牙，鮮味十足，味道甜甜地，好開胃。
*5款刺身*
鮮赤貝肉質爽厚，口感彈牙，味道鮮甜。
北海道帶子肉質新鮮結實，彈牙爽口，味道甘甜。
拖羅嘅脂肪分布到好似雪花咁，入口充滿魚油脂肪嘅甘香，入口即溶。
酒煮大蜆
大蜆肉蜆肉好大隻，味道鮮甜又有陣陣酒香。
蘋果木煙燻和牛
有三種食法，分別係原味、配芥末子同配蒜片
色澤誘人，肉汁豐富，入口有散發焦香同蘋果木嘅果香，入口即溶。
時令白身魚配三杯醋
食到呢一味已經開始有少少飽，好彩有呢個白身魚刺身三杯醋，酸酸地好開胃！
*6款壽司*
赤鯥魚肉質肥美嫰滑，鮮甜無比，入口充滿魚油香味。
牡丹蝦新鮮肥美，入口彈牙爽滑，好鮮甜。
右口魚邊
肥美爽口，用火槍輕輕燒過逼出魚油，入口鮮味甘香。
赤金衣 配魚子醬
海膽
用咗紫菜絲模仿海膽嘅外型，脆卜卜好香口。海膽質感細膩，味道甘甜，入口即溶。
雪白魚湯
魚湯顏色好似牛奶一樣咁雪白，入口好creamy好濃魚味，入邊嘅豆腐超香滑，加上胡椒味，超級match！
*Dessert*
青橘子果凍
紫苑提子
呢款提子嘅特點係果皮好酸，所以廚師一早已經去咗皮，好貼心！入口超甜又爽口！
和歌山柿卷
口感上乾中帶點濕潤，有淡淡嘅蜜香味，食落甜絲絲。
1
1
1
