譚仔三哥米線 (置富第一城)

Open Now

Now Closed

今日係沙田第一城工作，做到攰梗係又要搵野食醫肚啦。不過行左個商場好耐，由於太多食店，花多眼亂，都唔知食邊間好，唔係太多人等位就或者價錢唔啱。 行下行下，就去到譚仔三哥。唔係講笑，我之前真係未試過食譚仔，所以都充滿左好奇心，加上之前睇過網上平台介紹過譚仔話，覺得好好笑，而且午飯時間都過左差唔多一半，唸住快快手食完繼續開工。我入到去睇完menu就叫左腩肉墨魚丸河配清湯，店員就用佢純熟既譚仔話答番我ok。好快個河粉就黎左，分量俾我想像中要大。墨魚丸好大粒，都幾彈牙爽口。腩肉就半肥瘦，味道還可以，另外仲有芽菜。整體感覺良好。