Video
Read full review
2025-05-27
663 views
從沒想過會下載or，更加唔會想寫咩食評，但今次呢間餐廳令我破防，為佢而第一次寫食評同點讚原先本來係想訂其他鐵板燒餐廳，但不知為何幾間都話無位或時間上就唔到，咁有朋友就介紹我呢間。起初聽到個價錢嚇咗一跳，唔係貴而係太平(399/位)，諗住咁平都唔會想有高要求就去試吓首先要講下門口，我同我朋友到咗門口後因為又無著燈又無顯示，門口仲要貼咗張紙，以為執鬼左，後來研究一輪後將度門拉開先知要自己摸門入。後來知道原因係因為佢哋只做熟客同(完全)無人手！無錯，係完全無員工，成晚由煮食到計數收錢都係得老細一個。（所以提醒一下: 如果想快食或趕時間千祈要諗清楚先）我前後食咗4個鐘到食物，因為佢哋自動upgrade 咗食品，所以有好多驚喜，新鮮龍蝦、鮑魚（郁嘅）不止，最推就係鵝肝（另加198/兩客），真心推介，我本身唔太喜歡食鵝肝（嫌太流），但佢好誇張，由原隻切出嚟，仲要手掌咁大舊，起初我見到咁大件仲嚇到唔想要講到服務，我嗰晚就大鑊喇，老細一個人要服務4枱客（9個人），所以先話要食咁耐，起初我同朋友兩個坐喺度兩個鐘只係食咗前菜同冷盤，想發脾氣，但見到老細做到身水身汗手忙腳亂咁就算啦。後來佢解釋因為我哋4枱客
0 views
0 likes
0 comments
原先本來係想訂其他鐵板燒餐廳，但不知為何幾間都話無位或時間上就唔到，咁有朋友就介紹我呢間。起初聽到個價錢嚇咗一跳，唔係貴而係太平(399/位)，諗住咁平都唔會想有高要求就去試吓
首先要講下門口，我同我朋友到咗門口後因為又無著燈又無顯示，門口仲要貼咗張紙，以為執鬼左，後來研究一輪後將度門拉開先知要自己摸門入。後來知道原因係因為佢哋只做熟客同(完全)無人手！無錯，係完全無員工，成晚由煮食到計數收錢都係得老細一個。（所以提醒一下: 如果想快食或趕時間千祈要諗清楚先）我前後食咗4個鐘
到食物，因為佢哋自動upgrade 咗食品，所以有好多驚喜，新鮮龍蝦、鮑魚（郁嘅）不止，最推就係鵝肝（另加198/兩客），真心推介，我本身唔太喜歡食鵝肝（嫌太流），但佢好誇張，由原隻切出嚟，仲要手掌咁大舊，起初我見到咁大件仲嚇到唔想要
講到服務，我嗰晚就大鑊喇，老細一個人要服務4枱客（9個人），所以先話要食咁耐，起初我同朋友兩個坐喺度兩個鐘只係食咗前菜同冷盤，想發脾氣，但見到老細做到身水身汗手忙腳亂咁就算啦。後來佢解釋因為我哋4枱客都係同一時間中午訂即晚食，嚟唔切叫外援。見佢非常誠心致歉同用心作菜，一切都無所謂啦，加上就算佢點忙，只要你有問題，佢都會用心解說同幫忙。所以如果大家要訂位真心要早啲（佢話最好早3-5日/一星期）好讓做搵人幫手
最後埋單: 我外加咗兩客帆立貝（98/客）、鵝肝（198/兩客）、4罐飲料（28/罐），埋單1840，即係話唔外加，1300/兩位就可以。相信如果喺其他地方，呢set起碼收1500/位
Post
