每日都大排長龍, 見今日早收工冇乜人就早啲入去試下啦。
佢哋嘅晚餐一個小菜加白飯加湯加嘢飲, 大概七八十蚊。 對比起附近嘅茶樓, 佢都算係抵食 。
佢地大熱推介係雞, 所以我哋都嗌咗鹽焗雞。
例牌就$58, 而我地就嗌咗半隻$108。
雞肉好厚實, 師傅仲好細心咁淋上沙薑汁, 所以味道都幾好。
椒鹽豬扒 $61
豬扒係薄切, 一片幾啖食完幾好。
但略嫌炸得有啲油膩, 不過肉質都幾嫩滑。
另外再嗌咗個西冷扒餐$88
我哋揀咗薯菜同蒜蓉汁
雖然我哋order五成熟, 但係出嚟嘅效果就偏熟啦。
雖然係咁熟, 但係肉質係軟淋, 唔會因為過熟而變得韌, 有點出乎意料之外。
隨餐附送例湯, 材料豐富好味道, 但我就覺得稍為咸左少少啦。
最後我哋跟餐嗌咗兩杯紅豆冰
紅豆冰就偏甜, 要等到冰溶咁d就剛剛好。
食完飯
門外又開始大排長龍了
1
1
