金鶴拉麵 (九龍城道) (Closed)

陪朋友去完土瓜灣攞陶瓷製成品⚱️，行經九龍城道，見到呢間“金鶴拉麵”，朋友話聽聞呢間啲拉麵好出色🥰，咁梗係要入去試試啦😆。餐廳分2️⃣層，樓下主要係吧枱，樓上就日本🇯🇵風格裝修，坐得舒適🥰。餐牌📔選擇唔少，最後我揀咗日本直送，人氣No.1️⃣嘅蟹湯🦀拉麵，而我朋友就揀咗店長推介嘅雞白湯🐓拉麵。北海道 - 蟹湯拉麵 $138由日本🇯🇵直送嘅花咲蟹湯🦀味道非常濃郁和充滿鮮味，而且蟹肉🦀份量十分之多，啖啖蟹肉配埋鮮味蟹湯，真係好好味😋，唔怪得係 No.1️⃣啦😍。極濃雞白湯拉麵 $138用原隻雞🐓烹煮8️⃣小時以上嘅湯雞味濃厚，充滿住骨膠原。配料有2️⃣片厚切雞胸肉，胸肉一啲都唔嚡口；叉燒非常嫩滑，完全唔肥；炸過嘅牛蒡香脆可口，就算浸落湯食，都非常好吃😋。呢碗拉麵🍜，簡直係女士們🙍‍♀️嘅恩物。總括而言，拉麵質素非常之好，以拉麵店嚟講環境非常舒服，店員服務非常細心。人氣No.1同埋店長推介都非常出色，等我下次試埋其他款式先。