Morokok (家樂坊) (Closed)

旺角🚇呢間樓上泰式酒吧餐廳 Morokok 一入到去有好多🌸花花裝飾，充滿少女清新風，☺️入邊地方又大又闊落，仲有個露臺戶外🍽️用餐區添。招牌泰式🇹🇭火山排骨用原條豬脊骨🍖疊成火山咁高🌋，上枱嘅時候職員仲會加入🍶玫瑰露酒點火，🔥所以食落幾有酒香，肉質🐖都幾腍滑入味。🍝香炒醉貓海鮮水晶炒河粉👍幾有鑊氣，香氣撲鼻👃🏻， 闊河粉煙韌到跳舞💃，鹹香中帶微甜，充滿泰式🇹🇭地道風味。 泰式街頭薄餅配香蕉🍌、煉奶及榛子朱古力醬，呢個組合真係勁邪惡，即叫即烤嘅🫓薄餅外皮有少少香脆，入面嘅香蕉片😊暖笠笠，淋上香甜嘅煉奶🥛同埋榛子朱古力醬🍫，真係好香甜！