蘇媽.蘇媽馬來西亞茶餐室 (Closed)

今日去尖沙咀行街，係The One 行完街，係附近搵食，又比我遇上充滿馬來西亞風味的蘇媽·蘇媽，即刻入去食Lunch 。餐牌多元化，有好出名的百吉爹肉骨茶、撈粉麵、湯粉麵、地道馬來西亞小食、甜品、飲品等等，價錢合理，餐廳不設加一服務費。怡保雞絲湯米粉麵底可自由選擇，我地選擇了米粉，米粉份量都幾多，湯麵配料有蝦、魚片、韮菜、雞絲、芽菜，湯底雞湯味濃郁不會過鹹，以到既雞絲切到一條條，好入味好嫩滑，完全不柴口。馬來黑叉燒（腩肉）比起平時燒味店的叉燒好唔同，叉燒用上腩肉，雖然用上腩肉，但口感都不會太肥膩，而且好入味，不沾上任何醬汁，都好好味。熱檸檬薏米水估唔到熱飲都大大杯。