ZAN CHEE (新城市廣場一期) (Closed)

最近聽朋友講沙田開咗間韓國餐廳，佢哋嘅炸雞或者飯卷都非常之好味特別係佢哋嘅泡菜煎餅！ 眼闊肚窄嘅我只可以買一盒外賣返屋企食，一個韓國便當有三格，店員新鮮整好，然後包裝！我已經忍唔住打開嚟食😍就咁睇已經覺得好吸引呢！左上角有韓式餃子同紫菜粉絲卷，第一次食紫菜粉絲卷， 粉絲好香麻油味，正！ 右上角係韓式甜辣炸雞，眼見有4、5件，炸雞粉漿唔會好厚，依然香脆，甜辣味剛好！好好味！飯卷份量足足有一條，裏面包着蛋絲、青瓜絲、紅蘿蔔絲同火腿肉等等，識落口清新又開胃！唔怪得知過咗兩點都咁多人排緊隊，真係幾好味！忍唔住返轉頭買多一盒！回頭值極高！ 下次我要買埋要咩韓式豬腳返屋企先！