銘興山西刀削麵 (黃埔新邨) (Closed)

今日行咗去黃埔嗰邊食晏，之前一直好想幫襯「銘興山西刀削麵」，不過奈何每次都大排長龍。呢日早十分鐘去到，情況果然唔同，唔使等就入得，但剛踏入一點鐘，人潮又就湧現，人氣爆登👏。餐廳面積唔大，座位少少迫，不過大致上OK，而且衛生都比想像中好，燈光明亮。店員們未必係傳統好有禮貌嗰種，但佢哋實際上人情味滿滿☺️👍，催你落單只係因為擔心後面人多要等得耐，而且佢仲會幫你計點樣嗌先最抵食。麻辣冷刀削麵($55)，見天氣熱熱哋☀️，就嗌個冷麵食吓。呢款刀削麵本身有牛肉絲、青瓜絲同擔擔醬等，另外可加餸。雖然話係麻辣，但由於加咗沙律麻醬，中和咗辣味，變得老少咸宜，又消暑，食到尾都唔覺膩。我加咗$15要豬頸肉🐷，份量好多，每片斜切大大塊，佢無泰式嗰種咁香脆，但同時亦無咁油。整體幾有咬口，唔錯啊。熱拌雞扒刀削麵($50)，熱拌同冷拌嘅造型差唔多，不過麵條上有啲分別，因為熱拌刀削麵比較軟身，易入口啲，兩者各有千秋。而喺辣度上，熱拌亦較為明顯，可能因為溫度嘅關係，同埋無其他醬料襯托。即使嗌小辣，都已經有啲滴汗🌶。炸雞扒分開上，份量同樣激多🐔，要分兩行擺。雞扒炸至外脆內嫩，肉身夠厚，讓人食得滿足。唔知如果要雙併，每款份量