《酸菜魚》 估唔到竟然可以食到酸菜魚，一見到嗰一下有少少突然，因為估唔到去飲茶都可以食到酸菜魚，呢度嘅酸菜魚好好食，酸菜味道十足，而且辣度都啱啱好，魚肉份量好多，鮮甜飽滿，值得一試
《砂鍋鮑魚雞粒蛋白炒飯》🍚砂鍋直到上菜都爆熱，每一粒飯都鑊氣十足，飯粒鮮嫩帶彈性，勁好食！
《黑金流沙包》🥟流沙包，特別香滑，係紮實嘅選擇，會流糖心，完全符合我對流沙包嘅期望！
《健康紅米魚茸脆竹腸》🥢 好滑嘅腸粉，再加埋紅米，好特別，我自己未試過，值得一讚！
整體嚟講，呢間餐廳份量足夠， 而且味道亦都唔錯，推介給大家，價錢又抵，真係好抵嘅午茶選擇👍
