Lockeroom Dining (朗晴坊) (Closed)

呢間樓上Cafe開咗好耐，一直都想搵機會試吓，今日終於俾我book到位！上到嚟真係全院滿座！環境貼滿晒足球迷嘅收藏。晚市選擇有好多，價錢唔算貴，套餐會包埋湯沙律同餐飲。沙律，三色椒配沙律菜，意大利黑醋會另上，味道夠甜，黑醋偏稠身。南瓜湯配蒜蓉包，蒜蓉包烘得香脆，南瓜湯香濃。波士頓龍蝦配白松露忌廉意大利扁面，上菜時聞到陣陣松露香味，波士頓龍蝦雖然只有半隻，但都好大隻，啖啖肉，肉質彈牙唔會霉，亦好鮮甜！松露忌廉醬夠creamy，不過醬汁有d太多，食到最後有啲膩。香烤澳洲羊架拼德國腸，7成熟，半肥瘦，食落有少少羊so味，正！最後仲叫咗甜品，而家做緊優惠晚市套餐可以六折惠顧正價甜品，梳乎厘pancake配曲奇味雪糕，差唔多要等25至30分鐘，空氣感十足，啱唒打卡，差唔多每枱都必點。