濟州燒肉食堂

Open Now

Now Closed

雖然之前岩岩去完韓國，但係食唔到好食既韓燒有D失望，所以最近同fd去食返餐燒肉補返數。今次就去左【濟州燒肉食堂】，係德福廣場既food court，所以位置唔算多，最好book定位。 一坐低、店員就會附上泡菜、前菜、沙律同係爐邊加上芝士同泡菜蛋。除左沙律全部都可以無限refill。 月見牛肩肉：薄切牛肩肉瘦肉俾肥肉多，唔會有負擔。燒完後再加上溫泉蛋醬油，好creamy。 食堂牛小排（鹽燒）：雪花紋分佈均匀，入口即化，牛味比較濃。鹽燒唔會蓋過牛肉本身既味道。濟州豪快黑毛豬五花肉：雖然肥肉比較多，但燒到脆口後，完全唔覺得油膩。仲好香燒烤味，點大醬包菜最好食。 韓國鰻魚（半份）：本身好怕鰻魚會腥，點知喜出望外。一開始自己燒、之後店員見到幫手燒。皮脆肉嫩，完全無腥味。加埋紫蘇葉、香味十足。 大八爪魚：八爪魚先腌過，微辣。不過唔係太爽口，個人覺得一般般。 牛.燒肉飯：兩人份既牛肉飯，個汁有少少甜甜地。牛肉好多，再加個溫泉蛋。非常不錯。 朱古力棉花糖：個人特別鍾意s‘more，難得有得食，融化左既棉花糖同半融既朱古力加麥餅，好食。 馬格利生米酒原味：米酒加啤酒既味道，幾特別。