Video
Read full review
2023-11-17
166 views
講起任食火鍋，以性價比黎講【牛大人】一定係數一數二👍🏻就算以正價時段，3款套餐價錢都係由$248-328不等，今次同朋友決定食好啲，揀左【澳洲極上和牛】120分鐘吃到飽套餐台灣鳳梨雞鍋呢款鳳梨雞鍋係台灣古早既口味，鍋底不單止有鳳梨同大大隻土雞腿，仲有涼瓜同小魚乾，酸甜、苦甘、咸鮮集合於雞湯中，苦瓜同鳳梨意外地配合，酸酸甜甜又回甘，用左土雞腿啖啖雞肉又唔會油膩，令到湯底搭配其他火鍋料材都好開胃🤤$328餐會每位送澳洲M9和牛牛丸2粒和牛牛丸粒粒牛味十足，味道香濃，真係同一般坊間所有牛丸冇得比！Hangry Donut 洛神花小麥啤 $58打邊爐最岩飲返杯啤酒，見到飲品推介有手工啤就試下，果香味濃，洛神花帶微微酸味，解渴一流澳洲和牛M5牛肩卷以澳洲和牛為主打既套餐，牛肩卷油花分布平均，肉味香濃，而且口感嫩滑，絕對值得encore 🐮除左牛肉，另外豚肉、羊肉、雞肉、海鮮等都一應俱全，台式小食例如鹽酥雞或者梅甘酥脆薯都非常好食，可以一解對台灣既思念😆鴨血富有彈性，口感滑嫩，就算煮耐左都唔會變硬另外自選火鍋配料區域都好多食材選擇，有數十款蔬菜、菇類、丸子等等，而且仲有部分係台灣直送，包括䈑荀、炸
講起任食火鍋，以性價比黎講【牛大人】一定係數一數二👍🏻就算以正價時段，3款套餐價錢都係由$248-328不等，今次同朋友決定食好啲，揀左【澳洲極上和牛】120分鐘吃到飽套餐
台灣鳳梨雞鍋
呢款鳳梨雞鍋係台灣古早既口味，鍋底不單止有鳳梨同大大隻土雞腿，仲有涼瓜同小魚乾，酸甜、苦甘、咸鮮集合於雞湯中，苦瓜同鳳梨意外地配合，酸酸甜甜又回甘，用左土雞腿啖啖雞肉又唔會油膩，令到湯底搭配其他火鍋料材都好開胃🤤
$328餐會每位送澳洲M9和牛牛丸2粒
和牛牛丸粒粒牛味十足，味道香濃，真係同一般坊間所有牛丸冇得比！
Hangry Donut 洛神花小麥啤 $58
打邊爐最岩飲返杯啤酒，見到飲品推介有手工啤就試下，果香味濃，洛神花帶微微酸味，解渴一流
澳洲和牛M5牛肩卷以澳洲和牛為主打既套餐，牛肩卷油花分布平均，肉味香濃，而且口感嫩滑，絕對值得encore 🐮
除左牛肉，另外豚肉、羊肉、雞肉、海鮮等都一應俱全，台式小食例如鹽酥雞或者梅甘酥脆薯都非常好食，可以一解對台灣既思念😆鴨血富有彈性，口感滑嫩，就算煮耐左都唔會變硬
另外自選火鍋配料區域都好多食材選擇，有數十款蔬菜、菇類、丸子等等，而且仲有部分係台灣直送，包括䈑荀、炸芋頭肉、蘿蔔、寬粉、蓮藕等，全部都好新鮮🌱
甜品方面有仙草凍同haagen dazs 雪糕選擇，每位可揀其中一款，滑嘟嘟既仙草配上脆口花生口感幾特別，雪糕都好夠凍，食完熱辣辣既火鍋正好可以降溫🧊
Post
