💗姬松茸竹笙花膠雞米線 ($78)
湯底以三黃雞，豬筒骨，鯊魚軟骨同西施骨熬煮3個鐘，湯色金黃，味道鮮味濃郁，飲完都唔會口渴🦴雞件選用三黃雞，雞皮爽彈同時雞肉嫩滑🐓花膠則選用鱈魚膠，口感滑嫩爽彈；配上爽滑嘅米線，再加上姫松茸、竹笙、雲耳同蟲草花，更滋補養生🍜
💗椰子花甲粉 ($58)
花甲粉湯底用上鮮雞湯，再加入椰汁同椰子肉煮成，湯汁呈奶白色，有陣陣椰奶香味🥥沙白蜆份量多，粒粒都鮮甜飽滿，最緊要係無沙🐚配上爽滑嘅粉絲，再加上娃娃菜、雲耳、金菇菜同青瓜作配料🥒
💗燒豬頸肉 ($58)
豬頸肉表面焦香，不過略嫌燒得過咗火，肉質有少少乾🐖
