我哋點咗酥炸皮蛋蝦餅、燒牛肉、醉貓炒河和飲品椰青。食物質素非常唔錯！
酥炸皮蛋蝦餅有驚喜！
蝦餅外皮炸得香口，裏面嘅皮蛋係溏心，加晒分！
點泰式辣醬食，好match！
燒牛肉都非常唔錯，好似睇落每一枱都有叫，非常熱門嘅菜式。燒牛肉medium rare，非常啱心水！牛肉好Juice，夠嫩，肉味都濃！個汁好辣，少少鹹，好惹味。如果係要挑剔，係有少少肥膏。
主食叫咗醉貓炒河，已經叫咗小辣，但係都幾辣。河粉係用闊河粉，連埋肉碎、洋蔥、豆角、車厘茄一齊炒，味道唔錯。但係份量有點少，唔係好夠喉。加啲魚露同埋糖，感覺冇咁辣。
埋單價錢唔係太貴，臨走仲會送一人一條雪條
今日有椰子同提子揀，梗係試椰子啦！係椰汁冰咁，夏天今晚食都幾正！重點係免費送嘅
我哋7:15離座，餐廳外面已經排晒長龍！真係早到早享受
2
