但馬屋 (新都會廣場)

Open Now

Now Closed

每次嚟到葵芳新都會，都係會不期然諗起但馬屋，皆因呢間日式火鍋放題實在太出眾，每日晚市都總係大排長龍，而今次之所以會專程過嚟食，係因為聽講但馬屋新出左一款冬陰功湯底，聽講非常好味。但馬屋嘅環境比起其他火鍋放題感覺較舒適同乾淨，最重要係佢主打一人一個火鍋，咁樣食法既精緻又衛生。今次我同朋友叫左新出嘅冬陰功湯底同埋招牌千夜鍋，冬陰功湯底果然相當令人驚喜，非常入味但又唔辣，作為火鍋湯底一流！食物方面，除左肉類為左確保新鮮之外，大部份食物都係自助形式，響廚房位置外面自取。呢度嘅放題牛肉同埋豚肉片都非常非常高質，薄切牛肉同豚肉片放進火鍋之中只需幾秒就煮熟可以食用，既好味又方便，而且但馬屋出名招待一流，每次只要搵職員添加牛肉同豚肉，佢地都會好快就送到，服務態度亦都好好。食飽之後放題自然少不了要任食雪糕，而但馬屋嘅賣點之一就係有多款自助飲品同埋Haagen-Daz雪糕任食！！食飽美味嘅牛肉同豚肉片之後，仲可以任食美味嘅Haagen-Daz雪糕，難怪但馬屋門口長期都咁多人排隊食喇！