今次大概叫左三十幾樣嘢食，不能盡錄。整體嚟講，呢間店調味做得幾好，比較適中，唔會太咸。以下就有啲重點comments俾大家參考下:
🔥A4和牛串
入口即融，牛味OK! 呢個大推!!
厚牛舌腩
平時食日韓燒肉都會儘量叫薄身牛舌，因為怕佢燒耐咗會un，但佢又燒得唔錯bo，爽口唔un。
🔥豚肉節瓜波板糖(附月見汁)
見佢好似幾特別就叫下，佢係豚肉同節瓜碎一齊捲埋，兩者既厚度都薄，捲做一層層都唔會話食落有硬身或者唔smooth嘅情況，加埋個月見汁確實唔錯。
友人們好鍾意呢個汁，瘋狂地用其他串燒點佢。
鹽燒阿波尾七里香
因為呢個特別嘅名同店家推薦就儘管一試咗，原來阿波尾係日本德島縣嘅走地雞品種，D肉食落嫩滑有少少肥，但又唔係exactly似雞脾，幾好食!
🔥鹽燒雞皮
平時食燒雞皮係一舊舊咁串埋，呢個係撐開塊雞皮嚟燒，幾得意, 雞皮夠脆食落好似薯片咁。
焦糖青蘋果鵝肝多士
還好, 不過覺得鵝肝油脂唔太夠, 相對乾身D，呢個質素嚟講略貴。
明太子淮山燒
燒過嘅淮山表面香香地又爽口，加埋明太子醬都唔錯。另外都叫咗明太子豆腐但覺得呢個好食好多wo~
🍆孜然蒜蓉茄子
食串燒必叫嘅! 孜然味唔算重, 但最後都encore咗次。
🍍黑糖菠蘿
熱嘅燒菠蘿就食得多，見呢個係凍嘅，就好好奇到底會點，佢表面係一層黑糖造嘅脆焦糖，菠蘿就唔算話凍嘅，覺得都幾得意。
