Video
Read full review
2023-03-16
94 views
每次經過銅鑼灣東角附近都會見到呢間兩層高、掛滿七彩燈籠嘅越南餐廳🇻🇳外牆用紅色做主調，所以好sharp每次經過都覺得好靚好想入去食🤣呢晚終於同朋友去咗試～真心要book位！因為平日夜晚餐廳都係好full，我見到差唔多每檯客都係有booking㗎😳入到去就知原來餐廳入面裝修都好有feel，好多打卡位😎📸🌟黃薑雞胸茴香葉撈檬 $119平時麻麻地撈檬～因為覺得冇乜味咁🤣但呢個真係幾高質！撈檬用咗黃咖喱同椰汁做醬汁，放上大量蔬菜絲、酸蘿蔔絲同花生等配料後撈埋一齊食用，食落口感好豐富🧡撈檬好掛汁，每條都好creamy好香咖喱味🤤雞胸份量都好足，不過肉質如果可以再嫩滑啲就好🥰🌟南瓜花炒鮮牛肉片 $168第一次食南瓜花😳😳原來味道同口感有啲似好嫩嘅蘆筍～我覺得好好味！牛肉片份量超多😂而且醃得好入味～醬汁味道都啱啱好唔會好鹹，連埋一齊食好惹味！而且真係好大碟，兩個人完全食唔晒😂😂🌟小食自選拼盤 (3-5款) $120呢個小食拼盤可以選擇自己想食嘅款式😝最平$120可以揀3款～我哋揀咗豬肉春卷、柑桔汁雞翼同粉包炸兩🙌🏻豬肉春卷外皮係網絲狀，好薄好脆🥰，柑桔汁雞翼大大隻又好juicy🤤不過柑桔味就唔算好濃
🌟黃薑雞胸茴香葉撈檬 $119
平時麻麻地撈檬～因為覺得冇乜味咁🤣但呢個真係幾高質！撈檬用咗黃咖喱同椰汁做醬汁，放上大量蔬菜絲、酸蘿蔔絲同花生等配料後撈埋一齊食用，食落口感好豐富🧡撈檬好掛汁，每條都好creamy好香咖喱味🤤雞胸份量都好足，不過肉質如果可以再嫩滑啲就好🥰
🌟南瓜花炒鮮牛肉片 $168
第一次食南瓜花😳😳原來味道同口感有啲似好嫩嘅蘆筍～我覺得好好味！牛肉片份量超多😂而且醃得好入味～醬汁味道都啱啱好唔會好鹹，連埋一齊食好惹味！而且真係好大碟，兩個人完全食唔晒😂😂
🌟小食自選拼盤 (3-5款) $120
呢個小食拼盤可以選擇自己想食嘅款式😝最平$120可以揀3款～我哋揀咗豬肉春卷、柑桔汁雞翼同粉包炸兩🙌🏻豬肉春卷外皮係網絲狀，好薄好脆🥰，柑桔汁雞翼大大隻又好juicy🤤不過柑桔味就唔算好濃～粉包炸兩好特別🥰外面嘅粉皮比起中式腸粉更煙韌，裡面嘅炸兩脆卜卜，點埋酸辣汁食好惹味😝
🌟班蘭布甸法包配自家製椰子雪糕🥥 $128
呢個甜品好好味🥹😭💛必食呀！法包焗得超 級 脆❤️裡面嘅班蘭布甸係勁流心🤤一拎起就爆漿🥰食落布甸係暖暖地，配上自家製椰子雪糕一齊食有冰火交融嘅感覺🤤超正！
🌟熱雞蛋咖啡☕️ $52
第一次飲越南嘅雞蛋咖啡😳真係問下先知原來係將蛋黃同煉奶打成奶泡，再倒喺咖啡上面～第一啖飲落去勁似法式焦糖燉蛋🤣係甜甜地嘅焦糖奶蓋feel😆🙌🏻有啲甜但好好飲！
🌟凍越南百分百甘蔗汁配鹹柑桔🍊 $42
甘蔗汁係純天然，飲落去好濃郁好鮮甜！不過鹹柑桔個味就唔算出～
食完飯之後我同朋友都喺餐廳影咗好多靚相先走🤣Overall雖然價錢唔平，但食物質素都高💛最推介班蘭布甸法包！而且環境一流！！鍾意打卡嘅你一定唔可以錯過😝
加一服務費：✅
回頭率：❤️❤️❤️❤️❤️ (5個❤️為滿分)
📍地址：Lúa (銅鑼灣)
銅鑼灣東角道26號怡安大廈1樓13-15號舖及地下13-16號舖
Post
