⭐️雞蛋仔專門店
行完山好肚餓🍃，同朋友喺大埔商場見一間雞蛋仔專門店，本來只想買底雞蛋仔醫肚，點知發現寶藏——小店竟然有懷舊冷糕！仲有多款口味嘅雞蛋仔，格仔餅同小食。
🌟 心太軟冷糕 $32
即叫即製！熱辣辣捧上手，外皮脆卜卜，咬落去係軟糯煙韌嘅蛋香，澎湃流心朱古力混住脆口花生粒，鹹甜交織真係邪惡到極點！重點要即刻食！！懷舊小食玩出新意，真心要encore～
🥜 花生芝麻格仔餅 $25
一拎上手醬多到滿瀉！格仔餅烘到外脆內軟，蛋香超濃，煉奶＋芝麻醬＋花生碎三重夾擊，每啖都黏住嘴唇嘅幸福感，平價滿足果然無得輸！
🍢 小食拼盤 $30
貪心鬼必點！爽脆牛柏葉、彈牙花枝丸、司華腸，全部掛滿秘製咖哩汁——香濃帶微辣，唔會搶走食材原味，抵食
🍇 巨峰提子乳酸特飲 $15
食完濃味嘢啱啱好！酸甜平衡嘅巨峰提子香，加上乳酸清爽感，瞬間降溫解膩，夏天行山後最佳飲品
食後感：小店格局卻肯花心思搞創新，冷糕重現江湖已經值得支持，仲要樣樣高質！
2
