Fika

Open Now

Now Closed

放學成日經過呢間餐廳，次次都好多人！趁星期五冇咁趕時間，終於的起心肝去排隊試吓。等咗15分鐘左右入到去，氣氛好熱鬧，啱晒同fd吹水。牛油果蟹肉脆餅 ($88/4件)真係足料到爆！一啖咬落去，蟹肉多到瀉出嚟，夾住creamy牛油果同脆卜卜嘅餅底！fd食完即刻話：好食過酒店high tea！卡邦尼意粉個忌廉汁濃到黐住晒啲意粉，最正係佢用脆豬肉代替普通煙肉，鹹香脆口。水牛城雞翼驚喜位係唔會死鹹！酸辣度調得啱啱好，外皮炸得脆，入面仲keep住肉汁。雖然全場爆滿，但班伙記仲keep住笑容，仲主動同我哋講笑。今時今日的香港，搵間價錢合理、食物高質、服務唔黑面嘅餐廳真係好難，呢間絕對要encore！