Video
Read full review
2022-11-20
75 views
燒肉放題有4款任食套餐，我地試咗最貴嘅澳洲M5和牛，晚市時段正價$418，可以2小時任食超過一百款肉類配料🤤最貴嘅套餐主打澳洲M5和牛，包括肩胛肉、安格斯牛小排、澳洲和牛板腱同嚴選牛舌芯，對比其他普通牛肉，澳洲和牛口感更加鮮嫩多汁，而且油脂分布均勻，肉味濃郁，海鮮方面，烤帆立貝、虎蝦同屏東燒魚腹都係最貴嗰set先有❗️澳洲和牛板腱係期間限定食品，牛板腱係肩胛骨後面嘅一嚿肉，因為活動得唔多，肉質幼嫩爽口😚嚴選牛舌芯每人只得2件，爽口得嚟又彈牙，唔會好似平時食啲牛舌咁韌，咬落仲好juicy🤤烤帆立貝好新鮮，加少少牛油去燒已經好好食😋虎蝦勁大隻，燒到佢轉咗色再過兩分鐘就食得，超爽彈😆安平燒肉另一賣點當然係一系列嘅台灣地道夜市小食，例如花枝排、鹽酥雞、甜不辣、炸蚵卷、鴨舌等等，必食推介⭐️黃金泡菜同⭐️台灣小枕頭(麻糬)，黃金泡菜用咗日本高麗菜，配上有紅蘿蔔泥、芝麻醬同花生嘅秘製黃金醬，非常開胃，而台灣小枕頭(麻糬) 燒嘅時候會變到脹卜卜，口感煙韌軟糯，點煉奶食一流😍飲品方面，自助區除咗有罐裝汽水之外，仲有自家製樽裝冷泡茶，另外都有啲特飲可以落單叫，例如百香果綠茶同冬瓜茶；自助區亦都有蔬菜提供，例如
最貴嘅套餐主打澳洲M5和牛，包括肩胛肉、安格斯牛小排、澳洲和牛板腱同嚴選牛舌芯，對比其他普通牛肉，澳洲和牛口感更加鮮嫩多汁，而且油脂分布均勻，肉味濃郁，海鮮方面，烤帆立貝、虎蝦同屏東燒魚腹都係最貴嗰set先有❗️
澳洲和牛板腱係期間限定食品，牛板腱係肩胛骨後面嘅一嚿肉，因為活動得唔多，肉質幼嫩爽口😚
嚴選牛舌芯每人只得2件，爽口得嚟又彈牙，唔會好似平時食啲牛舌咁韌，咬落仲好juicy🤤
烤帆立貝好新鮮，加少少牛油去燒已經好好食😋
虎蝦勁大隻，燒到佢轉咗色再過兩分鐘就食得，超爽彈😆
安平燒肉另一賣點當然係一系列嘅台灣地道夜市小食，例如花枝排、鹽酥雞、甜不辣、炸蚵卷、鴨舌等等，必食推介⭐️黃金泡菜同⭐️台灣小枕頭(麻糬)，黃金泡菜用咗日本高麗菜，配上有紅蘿蔔泥、芝麻醬同花生嘅秘製黃金醬，非常開胃，而台灣小枕頭(麻糬) 燒嘅時候會變到脹卜卜，口感煙韌軟糯，點煉奶食一流😍
飲品方面，自助區除咗有罐裝汽水之外，仲有自家製樽裝冷泡茶，另外都有啲特飲可以落單叫，例如百香果綠茶同冬瓜茶；自助區亦都有蔬菜提供，例如杏鮑菇、粟米同菠蘿等等，又有個area比客人整櫻花蝦拌飯🤪
甜品選擇比較少，每人一款，可以揀Häagen-Dazs杯裝雪糕或者鮮草芋圓
Post
