睇咗個餐牌之後我就選擇咗藥膳豚肉鍋，唔夠5分鐘，餐廳嘅侍應就已經起到菜，咁當然係要趁熱食啦，佢裏面非常足料，有好多塊豚肉，裏面仲有薯粉，仲有啲蔬菜同埋粟米，另外佢本身都跟咗白飯俾你嘅，而我自己呢亦都另外加咗鹽酥雞扒同埋柚子雞翼，作為前菜都非常之開胃，而佢嘅餐飲我就揀咗滿杯百香果，佢都非常之大杯同好飲.
而店舖亦都冇限時，亦都見到好多其他客人，佢哋三五知己，每人叫一款火鍋，咁就可以大家分享自己嘅，又可以食到人哋嗰一款，咁嘅方法都唔錯😂，不過晚餐嘅時候比較多人，需要早啲度舖頭，如果唔係就要喺出邊排隊，等候下一輪先可以食到.
1
