Video
Read full review
2022-11-21
73 views
理應秋去冬來，但氣溫仍是忽冷忽熱，話雖如此，亦無礙港人一年四季都熱愛打邊爐嘅習慣。相信牛大人呢個名大家唔會陌生，開業至今出名嘅除左係牛，應該就係個好難訂位嘅系統，每次想食飯都要好似搶演唱會飛咁，每食一次都來之不易呀！正正係咁，今次就為大家推介一下呢間主打台式火鍋既鋪頭-牛大人先講鍋底，坐低完就緊係睇圖片選鍋底，唔想食辣都有好多選擇，雞鍋牛骨鍋養生鍋都有，睇圖見到台中蒜頭雞鍋有咁大件雞，諗住唔好食都好睇啦！點知一黎到，咦！點解係咁多白菜嘅，舊雞呢？撈下撈下，終於係個底先搵到舊雞出黎，但明明幅圖係木耳唔係白菜黎wo😅我仲以為上錯鍋底。。。對於我呢個身經百戰嘅邊爐愛好者黎講，有咩鍋底未試過，但就真係估唔到湯底可以咁清淡，D料係足嘅，蒜頭有好多，白菜都好多，雞都有一大舊，但個湯偏偏就係淡口，無咩鮮甜味呀！講完湯底介紹下D食物，今次我地食嘅係最貴的澳洲極上和牛餐，主打就緊係和牛M5牛肩卷，安格斯牛小排同安格斯一口牛肉粒。食晒咁多款唔同嘅牛肉，包括中價套餐嘅安格斯牛板健美國肩里肌，比較下都係和牛無得輸。特別係M5牛肩卷，唔會切太薄但食落唔硬有口感，牛香味適中，食正牛花位置牛咪更濃帶點牛蘇味，一碟只
相信牛大人呢個名大家唔會陌生，開業至今出名嘅除左係牛，應該就係個好難訂位嘅系統，每次想食飯都要好似搶演唱會飛咁，每食一次都來之不易呀！正正係咁，今次就為大家推介一下呢間主打台式火鍋既鋪頭-牛大人
先講鍋底，坐低完就緊係睇圖片選鍋底，唔想食辣都有好多選擇，雞鍋牛骨鍋養生鍋都有，睇圖見到台中蒜頭雞鍋有咁大件雞，諗住唔好食都好睇啦！點知一黎到，咦！點解係咁多白菜嘅，舊雞呢？撈下撈下，終於係個底先搵到舊雞出黎，但明明幅圖係木耳唔係白菜黎wo😅我仲以為上錯鍋底。。。
對於我呢個身經百戰嘅邊爐愛好者黎講，有咩鍋底未試過，但就真係估唔到湯底可以咁清淡，D料係足嘅，蒜頭有好多，白菜都好多，雞都有一大舊，但個湯偏偏就係淡口，無咩鮮甜味呀！講完湯底介紹下D食物，今次我地食嘅係最貴的澳洲極上和牛餐，主打就緊係和牛M5牛肩卷，安格斯牛小排同安格斯一口牛肉粒。食晒咁多款唔同嘅牛肉，包括中價套餐嘅安格斯牛板健美國肩里肌，比較下都係和牛無得輸。特別係M5牛肩卷，唔會切太薄但食落唔硬有口感，牛香味適中，食正牛花位置牛咪更濃帶點牛蘇味，一碟只有兩片，真係好似不停點都唔會覺得飽。一口牛同牛小排都有同樣感覺，肉質軟腍而牛味濃郁，就算放係度煮耐左都唔會好硬同鞋，所以好似食整都唔夠咁。
試完貴價和牛就試下中價餐嘅牛板健同肩里肌，同M5牛肩卷唔同，一盤唔止得兩片，size都比較大，煮熟後同M5比明顯大同厚，會有D硬，肉味亦唔夠M5香。結論就係無比較就唔會傷害，貴價餐完勝！
除左肉類都有其他海鮮同魚漿，水準可以唔算特別特出。
食貴價餐每位仲送M9和牛牛丸兩粒，呢粒牛丸唔好睇少佢，雖然唔算彈牙但肉嫩多汁，牛香味濃郁，咬落去牛香撲鼻換，有食完再想食嘅感覺。
整體而言台式火鍋始終同傳統中式火鍋湯底唔同，食開重口味嘅可能會嫌淡口。但除左湯底外，其他食物都在水準之上，特別係貴價餐嘅和牛，呢個價位基上無得輸，同中價餐相距40蚊，我一定推薦選擇和牛餐，食肉獸一定唔可錯過！
Post
