瓏門冰室 (Closed)

相信好多香港人都會認識龍門冰室架喇！廢話唔多講，即刻講下今次又食左啲乜！晚飯時段成間鋪頭都坐爆曬，到最後我哋都係要同人搭枱！今次經過開尖沙咀，就去左尖沙咀果間龍門冰室，一開始見到門口排咗好多人，以為要等好耐，點知原來佢哋人流量相當快！好快就等到我！ 最後買咗個玉子燒，見個黑松露雜菌芝士玉子燒好吸引就叫左黎食！黑松露味非常香，食落都唔會太膩，個蛋好滑，可能真係用咗3.6牛奶去炒。入面配料都足夠，有好多菇。鍾意食黑松露或者芝士嘅人，非常值得一試架！個玉子燒餐係會有一個叉燒意粉，食落就正正常常，啲叉燒都幾軟幾入味架！佢杯奶茶都值得一讚！茶味幾濃，個人唔鍾意飲d得奶味嘅奶茶，呢杯唔錯！整體來講都幾好食，就算男仔黎食，份量都好足夠！完全唔會需要再叫其他嘢。