滬點 (Closed)

今日上網搵緊灣仔有咩好嘢食之際，見到呢間上海餐廳都有唔少好評，點知去到未夠七點，已經有人等位😯😯😯好在等咗唔算好耐，好快都到我哋了！小籠包$48/4 個，皮薄餡靚，一夾起身唔會漏湯汁出嚟，所以個皮做得好好👍🏻👍🏻呢度嘅牛肉餅都係必點之一，$36/2 件，餅身金黃外脆，一咬落去啲汁爆曬出嚟，超正😋😋😋火腿津白$94，金華火腿甘香，配上淡淡的津白一齊食剛剛好👍🏻👍🏻炒鱔糊$96，用韭黃一齊炒好香口，肉質爽口，而且味道唔會太鹹，醬汁亦都唔會做到太杰身，👍🏻👍🏻總結：今日係平日都全場爆滿，呢間灣仔小店生意相當唔錯，價錢適中，唔會太貴！原來呢度可以訂枱，咁下次嚟就唔使排隊喇！