Video
Read full review
2023-07-15
333 views
打大佬［奇蹟拉麵］11 Jul 202311:55am 已經嚟到門口排隊，排咗45分鐘，終於入到了。作為拉麵愛好者一定做咗功課先，睇咗啲師兄話一定要試「清湯醬油拉麵」，一嚟到個湯已經好清澈，出前一叮咁。正正因為清得濟，我expect果種醬油咸到苦就試唔到喇！之前係大阪食果隻米之連黑醬油真係一試難忘，合埋眼飲咗啖，咦！？雖然清清地，但咁好味嘅！佢勁嘅地方係飲完仲有餘香，啖湯已經落到個肚度，個喉嚨都仲有after taste，唔好睇佢咁清，其實有啲料嚟。師傅調教個湯嘅厚度同埋味道幾好，好有反差😂麵方面，餐廳選用咗正常粗幼度生麵，勁有麥香味！正正因為粗幼度適中，做到掛湯效果，（最憎食幼到好似米粉咁嘅拉麵，一蘭咁，掛湯太勁，搶哂啲麥香味）麵身一啲鹼水味都無，呢間算係將個面煮到好彈牙爽口，冇得比你揀軟硬度，睇得出師傅嘅執着。叉燒方面，係用慢煮叉燒，完全冇豬騷味，保留豬肉應有嘅味道，不錯。個蛋幾好，個塘心蛋有淡淡醬油香味，又有少少酒香味（可能排得太耐有幻覺，應該無酒嘅），流心，夠滑，OK!食完一個唔夠喉，叫多個「原味濃湯拉麵」試下先，師傅話用咗豬骨、雞骨去淆製，問佢熬製咗幾耐，佢又話商業機密⋯飲頭
11 Jul 2023
11:55am 已經嚟到門口排隊，排咗45分鐘，終於入到了。
作為拉麵愛好者一定做咗功課先，睇咗啲師兄話一定要試「清湯醬油拉麵」，一嚟到個湯已經好清澈，出前一叮咁。正正因為清得濟，我expect果種醬油咸到苦就試唔到喇！之前係大阪食果隻米之連黑醬油真係一試難忘，合埋眼飲咗啖，咦！？雖然清清地，但咁好味嘅！佢勁嘅地方係飲完仲有餘香，啖湯已經落到個肚度，個喉嚨都仲有after taste，唔好睇佢咁清，其實有啲料嚟。師傅調教個湯嘅厚度同埋味道幾好，好有反差😂
清湯醬油拉麵
$79
13 views
0 likes
0 comments
清湯醬油拉麵
$79
27 views
0 likes
0 comments
麵方面，餐廳選用咗正常粗幼度生麵，勁有麥香味！正正因為粗幼度適中，做到掛湯效果，（最憎食幼到好似米粉咁嘅拉麵，一蘭咁，掛湯太勁，搶哂啲麥香味）麵身一啲鹼水味都無，呢間算係將個面煮到好彈牙爽口，冇得比你揀軟硬度，睇得出師傅嘅執着。
清湯醬油拉麵
$79
28 views
0 likes
0 comments
叉燒方面，係用慢煮叉燒，完全冇豬騷味，保留豬肉應有嘅味道，不錯。
清湯醬油拉麵
$79
42 views
0 likes
0 comments
個蛋幾好，個塘心蛋有淡淡醬油香味，又有少少酒香味（可能排得太耐有幻覺，應該無酒嘅），流心，夠滑，OK!
原味濃拉麵
$86
21 views
0 likes
0 comments
食完一個唔夠喉，叫多個「原味濃湯拉麵」試下先，師傅話用咗豬骨、雞骨去淆製，問佢熬製咗幾耐，佢又話商業機密⋯飲頭啖湯，濃到呢好似飲緊芡汁咁⋯太咸了，我忍唔住即刻飲杯冰水⋯除咗湯底唔同之外，同清湯醬油拉麵配料完全一樣。正正因為都係一樣，咁就出事。首先咁濃嘅湯底唔應該用正常粗幼度嘅拉麵做底。應該要用粗麵。否則會太鹹，掛湯力太勁，完全搶晒麵本身嘅麥味，個人認為原味濃湯拉麵喺敗北。
總括嚟講清湯醬油拉麵先啱我口味，而原味濃湯拉麵就不了，謝謝🙏🏼
排咁耐隊，我寧願食清湯醬油拉麵加麵底⋯
最後如果有師兄又想食兩碗，建議好似我咁先食清湯後食濃味。🙏🏼🫰🏻
Post
