Video
Read full review
2023-07-04
68 views
一放假小編又四出去尋覓好西！經過灣仔天樂里嘅呢一間新加坡餐廳坡椰坡囉咪，見佢個名咁得意即刻睇吓佢門口嘅餐牌，嘩！有農夫包食啊，根本係我嘅兒時回憶，二話不說就決定要入去重溫一下咖喱農夫包嘅味道！😋佢哋會有一碗是日老火湯serve埋俾你，非常好飲，超出我預期有加分！【焗農夫咖喱包 - 厚切豬扒】$ 85賣相真係冇得頂，好大個農夫包，咖喱望落去非常之香濃食慾大增！啲豬扒真係厚切，每件都大大件㗎！二個包加咗牛油先脆，外脆內軟，就係呢個感覺啊呀！正呀！【拉茶】$25俾佢嘅賣相吸引咗，喺水吧人手拉出嚟嘅泡泡瀑布喺杯邊度好似山洪暴發咁樣圍繞着成隻杯好得意，呢個做法非常之有心思！值得一提嘅係，餐廳員工都非常親切殷勤，見到我食農夫包食到嘴邊沾滿咖喱都勁快速遞上紙巾非常貼心！餐廳座位亦非常闊落，用餐體驗非常好🥰💥 坡椰坡囉咪📍 灣仔天樂里6號地下
一放假小編又四出去尋覓好西！經過灣仔天樂里嘅呢一間新加坡餐廳坡椰坡囉咪，見佢個名咁得意即刻睇吓佢門口嘅餐牌，嘩！有農夫包食啊，根本係我嘅兒時回憶，二話不說就決定要入去重溫一下咖喱農夫包嘅味道！😋
佢哋會有一碗是日老火湯serve埋俾你，非常好飲，超出我預期有加分！
【焗農夫咖喱包 - 厚切豬扒】$ 85
賣相真係冇得頂，好大個農夫包，咖喱望落去非常之香濃食慾大增！啲豬扒真係厚切，每件都大大件㗎！二個包加咗牛油先脆，外脆內軟，就係呢個感覺啊呀！正呀！
【拉茶】$25
俾佢嘅賣相吸引咗，喺水吧人手拉出嚟嘅泡泡瀑布喺杯邊度好似山洪暴發咁樣圍繞着成隻杯好得意，呢個做法非常之有心思！
值得一提嘅係，餐廳員工都非常親切殷勤，見到我食農夫包食到嘴邊沾滿咖喱都勁快速遞上紙巾非常貼心！餐廳座位亦非常闊落，用餐體驗非常好🥰
💥 坡椰坡囉咪
📍 灣仔天樂里6號地下
Post
