麥田冰室

Open Now

Now Closed

收工時間攰攰地，已經唔想煮飯啦，一於買兩個飯盒返屋企食啦，見到呢間冰室，係新開張嘅，一於試吓味道如何啦，裏面嘅環境唔算好大，但係勝在十分之有親切咁，而且老闆娘都傾得幾句架，有一種街坊嘅人情味。今晚叫咗呢一個粟米班腩飯，份量10分十分之多，一個人真係食唔晒呀，斑腩完全唔會有雪藏嘅味道，而且上邊林左啲粟米汁，送返特別好味，喺呢個秋涼嘅天氣，食到一味熱辣辣香噴噴嘅粟米班腩飯，十分之窩心。涼瓜斑腩飯，細細個唔鍾意食涼瓜，但係人哋話如果你經歷得多左，食涼瓜就會變得甘甜喎，原來係真㗎，而家大個越嚟越鍾意食涼瓜，清熱得來，又健康，火腩肥瘦適中，而且食到師傅有大酒樓廚師嘅手勢，夠晒鑊氣啊。