Video
Read full review
2022-07-03
316 views
人均消費$600-主打活海鮮放題，取海鮮冰筒極細，放完冰之後既空間只可放到幾隻蝦。-極之趕急，門口嘟code開始計90分鐘，食物上檯速度慢，爐受熱速度唔平均，叫鴛鴦鍋一邊滾一邊唔滾，食海鮮需時，每次落單只可叫最多兩件一次五款，$600只會換黎倒瀉籮蟹既景象。-食物方面，海鮮確係新鮮，松葉蟹鮮甜，蝦大隻彈牙，但食用時間短，未能夠將所有海鮮都試過。當時檯面尚有蟹腳，半邊龍蝦，幾隻蝦未食完，店員已將佢地送哂落廚餘車，可惜！🫠-店員態度惡劣，以呼喝語氣提示last order，及後20分鐘推住廚餘車埋檯將進食中既碗、筷子餐具全部收走。當時食緊雪糕，問店員可唔可以佢邊收野，我地食埋雪糕就離開。竟然換黎一句「佢都係打份工，佢好難做」，我地應該last order就要食馬雪糕😆🫡拒絕比我地食埋手頭上既雪糕先走。相信應該係老闆落既指示，時間一到90或120分鐘，馬上將檯上所有食物係客人面前倒哂佢，仲急過去平價幾倍既火鍋店，當時場內仍有多張檯未有人入座，反映店舖只為賺錢，以活海鮮做綽頭吸引客人光顧，並沒有彈性處理客人情況及要求。如果各位真係想食海鮮，每人600蚊既價錢，坊間應有其他選擇。如果自問食海鮮神
-主打活海鮮放題，取海鮮冰筒極細，放完冰之後既空間只可放到幾隻蝦。
-極之趕急，門口嘟code開始計90分鐘，食物上檯速度慢，爐受熱速度唔平均，叫鴛鴦鍋一邊滾一邊唔滾，食海鮮需時，每次落單只可叫最多兩件一次五款，$600只會換黎倒瀉籮蟹既景象。
-食物方面，海鮮確係新鮮，松葉蟹鮮甜，蝦大隻彈牙，但食用時間短，未能夠將所有海鮮都試過。當時檯面尚有蟹腳，半邊龍蝦，幾隻蝦未食完，店員已將佢地送哂落廚餘車，可惜！🫠
-店員態度惡劣，以呼喝語氣提示last order，及後20分鐘推住廚餘車埋檯將進食中既碗、筷子餐具全部收走。當時食緊雪糕，問店員可唔可以佢邊收野，我地食埋雪糕就離開。竟然換黎一句「佢都係打份工，佢好難做」，我地應該last order就要食馬雪糕😆🫡拒絕比我地食埋手頭上既雪糕先走。相信應該係老闆落既指示，時間一到90或120分鐘，馬上將檯上所有食物係客人面前倒哂佢，仲急過去平價幾倍既火鍋店，當時場內仍有多張檯未有人入座，反映店舖只為賺錢，以活海鮮做綽頭吸引客人光顧，並沒有彈性處理客人情況及要求。如果各位真係想食海鮮，每人600蚊既價錢，坊間應有其他選擇。
如果自問食海鮮神速，食蝦蟹唔洗剝殼，又唔怕比$600買一次教訓，可以幫襯下。
Post
