花月宮 (Closed)

天氣涼涼哋，上OpenRice搵到呢間零負評火鍋店，位置近尖沙咀韓國街。賣點係宮廷風裝修，走中高階火鍋店路線，清一色卡位。打邊爐最重要係原材料嘅質素，所以我麻麻哋放題，鍾意呢類單點餐牌，俾多少少食高質食材😋入座點餐後有個九宮格醬料自由配搭啱你嘅口味。呢度最有驚喜係湯底～ 叫咗滋潤養顏雪連子椰子雞鍋，幾款湯料（桃膠、椰子、雪連子）都好養生，雞件足夠四人份量，真材實料！煮好嘅雞湯有微微椰香及雪蓮子嘅甜味，勁清甜，唔會好heavy，每人飲咗3碗先捨得加湯放料打邊爐🤣其次美國封門柳都出色，本身覺得小貴，但味道真係好👍🏻 牛肉有少少厚度，唔會太薄冇口感。餐廳建議淥10秒係最佳品嚐時間，嫩滑又濃牛味！第一次叫豬頸肉，原來幾啱打邊爐，油花充足好爽口。呢度嘅響鈴係必點，自家製冇工場製作咁油膩，浸一下湯已經好正！仲有竹蔗茅根都係自家製，甜度剛剛好，中和一下冇咁熱氣～最後讚一讚呢度店員會主動加湯，整體環境同食物都高質，值得再訪👍🏻 下次再嚟，想試吓個四格火鍋湯底😋✦ 美國頂級手切封門柳 $238 🆙✦ 新鮮豬頸肉 $58 🆙✦ 滋潤養顏雪連子椰子雞鍋 $238 🆙✦ 自家製脆炸紫菜響鈴 $78 🆙✦ 竹蔗