雲桂香米線專門店

Open Now

Now Closed

成日都食譚仔，啲人話雲桂香同譚仔有得揮，所以今次就登呢度試下。結果以後都係決定繼續做譚仔嘅死忠算喺譚仔食開5小辣，黎到呢到諗住都係叫小辣，點知一啲都唔辣。 所以大家如果係譚仔食開5小辣，係呢度記住要叫中辣呀！叫咗個豬大腸酸辣薯粉，因為米線成日都有得食。個薯粉其實幾滑，啲豬大腸都幾好食嘅，鹵水得幾入味， 又幾好咬口，不過份量就唔算好多！佢個湯底比譚仔多一啲嘢，有芫荽亦有蔥花，如果唔鍾意芫荽同埋蔥花嘅話，下次記得要走！個湯其實幾清甜，不過其實我都唔知點講呀，食譚仔係食嘅感覺，呢度無令到我覺得想再黎嘅親切感覺。