Video
Read full review
2016-07-25
983 views
好耐都無試過出一身汗啦！打完場羽毛球真係爽呀！好少過黎鳳攸街呢邊，原來都咁多餐廳，日中韓西乜都有，今晚同老公揀左上海菜食~Yummy~點解揀呢間？因為比佢個易拉架吸引左，我地去到時岩岩9點3，9點後入座全單75折，正呀！先order個醉轉灣, 醉轉灣以我所知係雞翼，呢度幾好播，有雞翼，雞翼尖，仲有雞肉，醉轉灣既精髓在於個汁，呢個醉雞汁好出色！酒味超香超濃，侍應一放低已經聞到好香濃既酒味，食落每件雞都充滿濃濃既酒香，超入味！初嚐時覺得酒味帶點苦澀，之後就愈食愈滋味！雞肉仲好嫩滑tim！食上海野又點會無小籠包呢？我地叫左最元始既普通小籠包，$36有四粒，小籠包粒粒大粒，皮尚算厚，做唔到晶瑩剔透既應覺，但肉餡好多，結實飽滿，又無乜肥膏。小籠包湯多，一咬d湯完全係"必"晒出黎，湯味濃，有d咸但唔覺得有味精，上乘之作！西湖牛肉羹: $28一份，我同老公share食，蛋花比較少，但牛肉幾多，呢個真係似羹，平日食既好多都會變左西湖牛肉湯，呢個會有d杰既感覺，味道亦岩岩好，唔會太咸！因為蔥比較多，所以飲既時候會有陣香蔥味，我覺得幾得意幾清新。水餃擔擔麵: 普通擔擔麵$48，加埋水餃都係$52，無理由唔
點解揀呢間？因為比佢個易拉架吸引左，我地去到時岩岩9點3，9點後入座全單75折，正呀！先order個醉轉灣, 醉轉灣以我所知係雞翼，呢度幾好播，有雞翼，雞翼尖，仲有雞肉，醉轉灣既精髓在於個汁，呢個醉雞汁好出色！酒味超香超濃，侍應一放低已經聞到好香濃既酒味，食落每件雞都充滿濃濃既酒香，超入味！初嚐時覺得酒味帶點苦澀，之後就愈食愈滋味！雞肉仲好嫩滑tim！
食上海野又點會無小籠包呢？我地叫左最元始既普通小籠包，$36有四粒，小籠包粒粒大粒，皮尚算厚，做唔到晶瑩剔透既應覺，但肉餡好多，結實飽滿，又無乜肥膏。小籠包湯多，一咬d湯完全係"必"晒出黎，湯味濃，有d咸但唔覺得有味精，上乘之作！
西湖牛肉羹: $28一份，我同老公share食，蛋花比較少，但牛肉幾多，呢個真係似羹，平日食既好多都會變左西湖牛肉湯，呢個會有d杰既感覺，味道亦岩岩好，唔會太咸！因為蔥比較多，所以飲既時候會有陣香蔥味，我覺得幾得意幾清新。
水餃擔擔麵: 普通擔擔麵$48，加埋水餃都係$52，無理由唔叫XD，平日擔擔麵我都會叫小辣，今次唔記得叫，心諗死梗啦！點知都唔係好辣，唔係好好辣既朋友都唔使擔心。先講d麵，粗幼適中，我欣賞個麵質，好滑，d麵好似"先"入口咁，麵底幾出色！d湯亦好好味，飲埋都唔怕，因為feel唔到味精，唔係好辣，但食落有麻痹既感覺，好似個口會痹痹地咁，水餃有四粒，多$4多四粒，真係好抵，粒粒大粒，另外仲有雲吞可供選擇~
食飽飽之後又點少得我最愛既甜品呢？高力豆沙！！！由於即叫即整，等左大概15分鐘就有得食啦！四粒大大粒既高力豆沙，一咬已經咬到紅豆餡，好味道！不過d餡積晒係底部，建議下次可以均勻d！另外我中意佢唔太甜，而且粉唔多，有d超多粉同糖，食起上黎又煩又論盡，呢個超貼心的！
Post
